Ադրբեջանի նախագահ Իլհամ Ալիևը մեղադրել է Ռուսաստանին Լեռնային Ղարաբաղի խաղաղության համաձայնագրով ստանձնած երաշխիքները խախտելու մեջ, հաղորդում է meduza.io-ն՝ հղում անելով «Ինտերֆաքս-Ազերբայջան»-ին։.
Ալիևի խոսքով՝ Հայաստանը դեռևս չի դուրս բերել իր զորքերը Ղարաբաղից, ինչպես նախատեսված էր հրադադարի մասին հռչակագրում, և ռուս խաղաղապահները մեղսակից են դրանում։.
Մի քանի ամիս առաջ, երբ Ռուսաստանի պաշտպանության նախարարության բարձրաստիճան պաշտոնյաները այցելեցին Ադրբեջան, նրանք խոստացան մեր պաշտպանության նախարարությանը, որ հայկական զորքերը դուրս կգան Ղարաբաղից մինչև հունիս։ Հիմա հուլիսի կեսերն են, և հարցը մնում է չլուծված։.
Ռուսաստանի պաշտպանության նախարարությունը դեռևս չի մեկնաբանել Ալիևի հայտարարությունները։.
2020 թվականի աշնանը Լեռնային Ղարաբաղի պատերազմից հետո Ադրբեջանը վերահսկողություն ձեռք բերեց տարածաշրջանի մոտավորապես կեսի նկատմամբ, իսկ մնացած տարածքում տեղակայվեցին ռուս խաղաղապահներ։ Հայաստանը պարտավորվեց դուրս բերել իր զորքերը։.
Այդ ժամանակվանից ի վեր պաշտոնական Բաքուն պարբերաբար մեղադրում է հայկական կողմին զորքերի դուրսբերման մասին համաձայնագիրը խախտելու մեջ: Մինչդեռ, Երևանը պնդում է, որ բոլոր կանոնավոր զորքերը դուրս են բերվել Ղարաբաղից, և որ այնտեղ մնացել են միայն տեղական ինքնապաշտպանության ուժերը:.
