Ֆինլանդական Yle հեռուստաալիքը հրապարակել է Վլադիմիր Պուտինի Ֆինլանդիայում անցկացրած արձակուրդի նախկինում անհայտ կադրեր։.
Տեսանյութը, որտեղ Պուտինը հանգստանում է Սանկտ Պետերբուրգի քաղաքապետ Անատոլի Սոբչակի ընկերակցությամբ, ենթադրաբար թվագրվում է 1990-ականների սկզբով։ Հեռուստաալիքի տվյալներով՝ Սոբչակը և նրա այն ժամանակվա տեղակալ Պուտինը մայիսմեկյան տոների ժամանակ այցելել են հարևան երկիր։.
Կադրում պատկերված են տղամարդիկ, որոնք սեղանի թենիս են խաղում ֆիննական գյուղական բնության ֆոնին: Պուտինը, որն այդ ժամանակ մոտ 45 տարեկան էր, կապույտ Adidas մարզահագուստ է հագել:.
Ֆինլանդական հեռուստաալիքի կողմից հրապարակված մեկ այլ տեսանյութում երևում է, թե ինչպես է Պուտինը ձկնորսություն անում ևս երկու տղամարդկանց հետ։ Նրանք նավակի մեջ են, ապա ափին մոտենալուց հետո ցուցադրում են իրենց որսը։ Պուտինի կողքին Սոբչակն է, ինչպես նաև Ֆինլանդիայի քաղաքացի Պենտտի Լաուկոնտաուսը, որը ղեկավարում է նավակը։ Լաուկոնտաուսն այդ ժամանակ աշխատում էր Thomesto-ի ղեկավարությունում, որը, ըստ Yle-ի, ընդունում էր Սանկտ Պետերբուրգից եկած հյուրերին։.
Այնուհետև հայտնվում է տեսանյութ, որտեղ տեսագրվում է, թե ինչպես են առանձնատանը հավաքվածները խաղում դարթս խաղ։ Հետին պլանում լսվում են երեխաների ձայներ։.
Վերջապես, վերջին տեսանյութում ցուցադրվում է Պուտինի, Սոբչակի և մի քանի ուրիշների մասնակցությամբ կազմակերպված խնջույքը։ Պուտինի կողքին, ով դեռևս նույն կապույտ մարզահագուստն է հագել, գինու բաժակ և գարեջրի շիշ են դրված։ Խնջույքն ուղեկցվում է կատակներով և ծիծաղով։.
Yle-ի տվյալներով՝ տեսանյութը նկարահանվել է Ֆինլանդիայի Տորսյո կղզում՝ Thomesto Group-ին պատկանող առանձնատանը, որն այդ ժամանակ փորձում էր բիզնեսով զբաղվել Ռուսաստանում: Հեռարձակողը չի նշել տեսանյութի աղբյուրը, և նկարահանման ամսաթիվը կարելի է միայն մոտավոր գնահատել:.
