Ֆերմայի սեփականատեր Սուպարատ Ջիտլանգի խոսքով՝ այծը մուտանտ ձագ է ծնել։ Մտնելով անասնագոմ՝ կինը ցնցված էր՝ տեսնելով մեկ աչքով և առանց քթի նորածնին։.
Թաիլանդցի ֆերմերները շփոթված էին, երբ երկուշաբթի՝ փետրվարի 27-ին, Ուտհայ Թանի նահանգի Farmsook Homestay գյուղատնտեսական զբոսաշրջային համալիրում ծնվել էր հազվագյուտ միաչքանի այծ, հաղորդում է The Mirror-ը:.
Ֆերմայի տեր Սուպարատ Ջիտլանգն ասել է, որ իր այծը մուտանտ ձագ է ծնել: Մտնելով անասնագոմ՝ նա ապշել է՝ տեսնելով մեկ աչքով և առանց քթի նորածնին:.
«Ես վաղուց եմ այծեր բուծում, բայց սա առաջին անգամն է, որ նման բանի եմ հանդիպում», - բացատրեց ֆերմայի տերը՝ հավելելով, որ անսովոր տեսքից բացի, ձագը, ընդհանուր առմամբ, առողջ էր թվում։.
Հրապարակված տեսանյութում երևում է, թե ինչպես է այծի ձագը մկկում խնամվելիս։ Կենդանին քթանցքեր չունի, շնչում է բերանով և անընդհատ օդ է շնչում։.
Հետազոտողները կարծում են, որ խոսքը ցիկլոպիայի մասին է՝ հազվագյուտ գենետիկ արատ, որի դեպքում ուղեղը զարգացման ընթացքում պատշաճ կերպով չի բաժանվում երկու կիսագնդերի:.
Ֆերմայի տերը վախենում է, որ ձագը շուտով կմահանա շնչառական խնդիրների պատճառով առաջացած հյուծվածությունից: Հայտնի է, որ ցիկլոպիան ցածր գոյատևման մակարդակ ունի, բայց նորածին ձագը դեռ կենդանի է:.
Այս վիճակը կարող է առաջացնել տարբեր ֆիզիկական անոմալիաներ, ինչպիսիք են բերանի կամ քթի բացակայությունը, և նման դեպքերում նորածինները հաճախ մահանում են շնչահեղձությունից ծնվելուց որոշ ժամանակ անց։.
2017 թվականին Հնդկաստանում նույն հիվանդությամբ այծ է ծնվել՝ ճակատի մեջտեղում մեծ աչքով և միայն մեկ լիարժեք ականջով։.