Պաբլո Պիկասոյի «Նատյուրմորտ կիթառով» կտավը խորհրդավոր կերպով անհետացել է Մադրիդից Գրանադա տեղափոխվելիս, հաղորդում է ։
12.7 x 9.8 սանտիմետր չափսերով փոքրիկ կտավը նախատեսված էր «Նատյուրմորտ։ Իներցիայի հավերժությունը» ցուցահանդեսի մաս կազմելու համար, որը բացվել է հոկտեմբերի 8-ին ԿախաԳրանադա հիմնադրամում։.
Ոստիկանության տվյալներով՝ անհետացումը նկատվել է միայն նկարների մշակութային կենտրոն ժամանելուց մի քանի օր անց։ Արվեստի գործերը տեղափոխող միկրոավտոբուսը գիշերել է Դեյֆոնտես քաղաքում. հենց այս պահն էր, որ վճռորոշ դարձավ հետաքննության համար։ Հստակ չէ՝ Պիկասոն պատահաբար է կորել, թե գողացել են։.
Հայտնի է, որ առաքումը կատարվել է մասնագիտացված ընկերության կողմից: Սեպտեմբերի 25-ին նկարը գտնվում էր պահեստում՝ այլ աշխատանքների հետ միասին, որոնք սպասում էին տեղափոխման, իսկ հոկտեմբերի 3-ի առավոտյան ամեն ինչ հասել է իր նշանակման վայր: Բեռնաթափման գործընթացը տեղի է ունեցել հսկողության ներքո, սակայն, ինչպես ավելի ուշ պարզվեց, փաթեթները պատշաճ կերպով համարակալված չեն եղել, և հաշիվ-ապրանքագրերը ստորագրվել են բացելուց առաջ:.
Միայն հոկտեմբերի 6-ին, երբ բոլոր աշխատանքները բացվեցին, կազմակերպիչները հասկացան, որ գլուխգործոցը կորել է: Ideal-ի տվյալներով՝ «Նատյուրմորտ կիթառով» նկարը ապահովագրված էր մոտավորապես 600,000 եվրոյով: 1921 թվականի գուաշով նկարն այժմ դարձել է ոչ միայն արվեստի գործ, այլև քրեական ինտրիգի առարկա:.
Հետաքննությունը ղեկավարում է Իսպանիայի ազգային ոստիկանությունը։ Որոնողական աշխատանքները շարունակվում են, և Պիկասոյի անհետացման հարցը մնում է անպատասխան։.