«Մեդիազոնա»-ն հաղորդել է , որ Ռուսաստանի Ներքին գործերի նախարարությունը երկու կանանց՝ կոմիացի լրագրող Ելենա Սոլովյովային և բուրյաթցի ակտիվիստ Ռաջանա Դուգարովային, հայտարարել է հետախուզման մեջ։
Նախարարության տվյալների բազայում նշվում է, որ երկու մեղադրյալներն էլ չեն բնակվում Ռուսաստանում։.
Սոլովյովան «օտարերկրյա գործակալ» էր որակվել դեռևս 2021 թվականի հոկտեմբերին։ Այդ ժամանակ նա համագործակցում էր մի քանի լրատվամիջոցների հետ, այդ թվում՝ Sever.Realii-ի։ Կանադա տեղափոխվելուց հետո լրագրողը դադարեցրել է Արդարադատության նախարարություն պարտադիր հաշվետվություններ ներկայացնելը, ինչը հանգեցրել է քրեական գործի հարուցմանը՝ «օտարերկրյա գործակալի» իր պարտականությունները չկատարելու համար։.
Սոլովյովան ներկայումս աշխատում է Կանադայում, գրում է ֆրանսերեն նյութեր տեղական լրատվամիջոցների համար և վարում է «Անտառի ձայները» փոդքասթը, որը նվիրված է կոմի ժողովրդի պատմությանը և դիցաբանությանը։.
Բուրյաթական լրատվամիջոցների փոխանցմամբ՝ Ռադյանա Դուգարովան մեղադրվել է «Ռուսաստանի անվտանգության դեմ կոչեր անելու» մեջ։ Ակտիվիստը բնակվում է Միացյալ Նահանգներում։ Current Time-ի փոխանցմամբ՝ նրա դեմ գործը հարուցվել է այն բանից հետո, երբ Ռուսաստանի արդարադատության նախարարությունը նրան օգոստոսի 22-ին «օտարերկրյա գործակալ» է ճանաչել։.
Գործակալության հայտարարության մեջ պնդվում է, որ Դուգարովան դեմ է եղել Ուկրաինայի հետ պատերազմին, կոչ է արել խախտել Ռուսաստանի տարածքային ամբողջականությունը և կապեր է ունեցել երկրում պաշտոնապես անցանկալի համարվող կազմակերպությունների հետ։.