LCI հեռուստատեսությանը տված հարցազրույցում Ֆրանսիայում Չինաստանի դեսպան Լու Շայը կասկածի տակ է դրել նախկին խորհրդային երկրների ինքնիշխանությունը և Ղրիմի պատկանելությունը Ուկրաինայի նկատմամբ։
«Միջազգային իրավունքի համաձայն՝ նախկին Խորհրդային Միության երկրները չունեն օրինական կարգավիճակ, քանի որ չկա որևէ միջազգային համաձայնագիր, որը կամրագրի նրանց կարգավիճակը որպես ինքնիշխան երկրներ», - լրագրողներին ասաց դիվանագետը։.
Հարցազրույցի ընթացքում Լուին նաև հարցրել են, թե որ երկրին է պատկանում Ղրիմը, որին դեսպանը պատասխանել է. «Կախված է նրանից, թե ինչպես եք դուք դիտարկում այս հարցը», քանի որ թերակղզին նախկինում «ռուսական» էր։ Երբ լրագրողը խնդրել է պարզաբանել իր դիրքորոշումը, դիվանագետը նշել է, որ անհրաժեշտ է «դադարեցնել վիճել նման հարցերի շուրջ»։.
Չինաստանի դեսպանի մեկնաբանությունները առաջացրին եվրոպացի քաղաքական գործիչների և դիվանագետների արձագանքը։ Մասնավորապես, Ֆրանսիայի արտաքին գործերի նախարարությունը պահանջեց, որ Պեկինը պատասխանի, թե արդյոք դեսպանի մեկնաբանությունները արտացոլում են Չինաստանի դիրքորոշումը։ Լատվիայի արտաքին գործերի նախարար Էդգարս Ռինկևիչսը դեսպանի մեկնաբանությունները անվանեց «լիովին անընդունելի»։ «Մենք ակնկալում ենք չինական կողմից բացատրություն և այս հայտարարության լիակատար հերքում», - հավելեց դիվանագետը։.
Ֆրանսիայում Ուկրաինայի դեսպան Վադիմ Օմելչենկոն գրել է , որ Լուի խոսքերը հակասում են Չինաստանի պաշտոնական դիրքորոշմանը։ «Այստեղ երկիմաստության տեղ չկա։ Ղրիմը Ուկրաինա է։ Խորհրդային կայսրությունն այլևս գոյություն չունի։ Պատմությունը շարունակվում է», - ընդգծել է դեսպանը։
1994 թվականին Չինաստանը ճանաչեց Բուդապեշտի հուշագիրը, որի համաձայն Ռուսաստանը ճանաչեց Ուկրաինայի սահմանները, իսկ Կիևը համաձայնվեց հանձնել խորհրդային դարաշրջանի միջուկային զենքը։.
