DigiTimes-ը ՝ հղում անելով մատակարարման շղթայի աղբյուրներին, հայտնում է, որ Apple-ը, ինչպես սպասվում է, iPhone 13-ի բոլոր մոդելները կհագեցնի LiDAR սենսորով
2020 թվականի մարտին թողարկված iPad Pro-ն առաջինն էր, որն ուներ այս լազերային սենսորը, իսկ iPhone 12 Pro-ն և 12 Pro Max-ը հետագայում հագեցած էին դրանով։ LiDAR-ը օգտագործվում է շրջակա օբյեկտներից մինչև հինգ մետր շառավղով հեռավորությունը չափելու համար։ Այս տեխնոլոգիան հնարավորություն է տալիս օգտագործել լրացված իրականության առաջադեմ հնարավորություններ։
Apple-ը հաճախ բարձրակարգ սարքերը հագեցնում է ամենաժամանակակից սարքավորումներով, նախքան դրանք հետագա տարիներին ավելի մատչելի սարքերի համար վերօգտագործելը։ Օրինակ՝ iPhone 11 շարքում միայն 11 Pro և 11 Pro Max սմարթֆոններն էին OLED էկրաններով, մինչդեռ բազային մոդելը թողարկվել է LCD էկրանով։ iPhone 12 շարքում բոլոր սարքերը հագեցած են OLED էկրաններով։
Ակնկալվում է, որ Apple-ը կվերադառնա iPhone 13 շարքի սեպտեմբերյան հայտարարումների իր ավանդական ժամանակացույցին, որը կներառի նաև չորս սմարթֆոն։
