2022 թվականի Համաշխարհային VR արդյունաբերության ցուցահանդեսում Huawei-ն ներկայացրեց իր նոր խելացի ակնոցը՝ Huawei Vision Glass-ը։.
Սարքն ունի MicroOLED էկրաններ՝ յուրաքանչյուր աչքի համար FullHD լուծաչափով և 480 cd/m² պայծառությամբ: Ընկերության տվյալներով՝ այն ծածկում է DCI-P3 գունային տարածության 90%-ը: Ավելին, այն հավաստագրվել է գերմանական TUV Rheinland կազմակերպության կողմից՝ վնասակար կապույտ լույսից բարձր պաշտպանության համար:.
Հաղորդվում է, որ ակնոցն օգտագործելով՝ օգտատերը հասանելիություն է ստանում 140 դյույմանոց վահանակի անալոգին։.
Հետաքրքիր է, որ ակնոցները չեն կարող ինքնուրույն աշխատել՝ դրանք պահանջում են միացում կա՛մ սմարթֆոնին, կա՛մ այլ սարքին: Ըստ էության, սարքը ծառայում է որպես լրացուցիչ էկրան սմարթֆոնների, պլանշետների կամ համակարգիչների համար:.
Huawei Vision Glass-ը վաճառքի կհանվի 2022 թվականի դեկտեմբերին։ Գինը և այլ մանրամասները կհայտարարվեն այդ ամսաթվին մոտ։.
