Իրանի Մեջլիսի (խորհրդարանի) խոսնակ Մոհամմադ Բաղեր Ղալիբաֆը հաջորդ շաբաթ կայցելի Ռուսաստան։ Այս մասին փետրվարի 4-ին առցանց ասուլիսի ժամանակ հայտարարել է Մոսկվայում Իսլամական Հանրապետության դեսպան Քազեմ Ջալալին։.
«Հաջորդ շաբաթ մենք կտեսնենք Իսլամական Հանրապետության մեջլիսի նախագահ պարոն Ղալիբաֆի ժամանումը», - ասաց դիվանագիտական առաքելության ղեկավարը՝ նշելով, որ Իրանի խորհրդարանի խոսնակը կհանդիպի նաև Ռուսաստանի արտաքին գործերի նախարարության և Պետդումայի ներկայացուցիչների հետ։.
Քազեմ Ջալալիի խոսքով՝ այցը կարող է էական ազդեցություն ունենալ Մոսկվայի և Թեհրանի միջև հարաբերությունների զարգացման վրա։.
Դեսպանը նաև հայտարարեց հաջորդ շաբաթ Ռուսաստանի մայրաքաղաք ժամանելու մասին՝ առողջապահության փոխնախարարի գլխավորած իրանական պատվիրակությունը՝ COVID-19-ի դեմ «Սպուտնիկ V» պատվաստանյութի համատեղ արտադրության հարցը քննարկելու համար։ Նրա խոսքով՝ Թեհրանն ու Մոսկվան ներկայումս աշխատում են երկու ճակատով՝ ռուսական պատվաստանյութը գնելու և Իրան մատակարարելու, ինչպես նաև պատվաստանյութը համատեղ արտադրելու ուղղությամբ։.
«Իրանն ունի (բժշկական արտադրանք) արտադրելու զգալի ներուժ և կարողություններ, և մենք այս հարցի վրա աշխատում ենք ամիսներ շարունակ։ Կարծում եմ՝ առաջիկա օրերին մենք կհասնենք փոխըմբռնման», - ասաց Ջալալին։.
Դիվանագետը նշել է, որ պատվիրակության կազմում կլինեն իրանական պատվաստանյութեր արտադրող ընկերությունների ներկայացուցիչներ։.
Ռուսաստանի ուղղակի ներդրումների հիմնադրամի (RDIF) ղեկավար Կիրիլ Դմիտրիևը փետրվարի 2-ին հայտարարել է, որ «Սպուտնիկ V» հայրենական պատվաստանյութի մշակողները քննարկում են դեղամիջոցի արտադրությունը Բելառուսում, Թուրքիայում և Իրանում տեղայնացնելու հնարավորությունը։.
Հիշեցնենք, որ «Սպուտնիկ V»-ն ներկայումս գրանցված է 16 երկրներում՝ Ռուսաստանում, Բելառուսում, Հայաստանում, Սերբիայում, Արգենտինայում, Բոլիվիայում, Ալժիրում, Պաղեստինում, Վենեսուելայում, Պարագվայում, Թուրքմենստանում, Հունգարիայում, Իրանում, Գվինեայի Հանրապետությունում, Թունիսում և Արաբական Միացյալ Էմիրություններում։.
Կարդացե՛ք աղբյուրը
