Լեհաստանի տարածքում երեկվա հրթիռային հարվածը միտումնավոր հարձակում չէր, այսօր Ազգային անվտանգության բյուրոյի նիստից հետո հայտարարել է նախագահ Անջեյ Դուդան, հաղորդում է BBC-ն։.
Նրա խոսքով՝ այս պահին չկան որևէ անուղղակի ապացույցներ, որոնք կհանգեցնեն այն եզրակացության, որ սա Լեհաստանի վրա միտումնավոր հարձակում էր։.
Միևնույն ժամանակ, լեհ առաջնորդը պարզաբանեց, որ «մեծ հավանականությամբ» հրթիռը պատկանում է Ուկրաինայի ՀՕՊ համակարգին։.
«Լեհաստանի տարածքում ընկել է, ամենայն հավանականությամբ, 1970-ականների ռուսական արտադրության S-300 հրթիռ։ Մենք որևէ ապացույց չունենք, որ այն արձակվել է Ռուսաստանի կողմից։ Կա մեծ հավանականություն, որ դա Ուկրաինայի պաշտպանության ուժերի հրթիռ է եղել», - հայտարարել է Դուդան։.
Նա նաև նշել է, որ հրթիռը ընկել է Լեհաստանում՝ Ռուսաստանի կողմից Ուկրաինայի վրա զանգվածային հրթիռային հարձակումների ֆոնին։.
Նախորդ երեկոյան ZET Radio-ն, հղում անելով իր աղբյուրներին, հաղորդել էր, որ Լեհաստանի Լյուբլյանայի շրջանում հրթիռ է ընկել։ Միջադեպի հետևանքով երկու մարդ է զոհվել։ Հետագայում վարչապետ Մատեուշ Մորավեցկին հրավիրել է կառավարական անվտանգության և պաշտպանության կոմիտեի արտակարգ նիստ։.
Ավելի ուշ լեհական իշխանությունները հայտարարեցին, որ ռուսական արտադրության հրթիռ է ընկել Պրժեվոդու գյուղում: Ռուսաստանի դեսպանը կանչվել է Լեհաստանի արտաքին գործերի նախարարություն, որը պահանջել է անհապաղ և մանրամասն բացատրություն:.
Ավելի վաղ Ռուսաստանի պաշտպանության նախարարությունը Պժևոդուի տարածքում ռուսական հրթիռների անկման մասին լեհական լրատվամիջոցների և պաշտոնյաների հայտարարությունները համարել էր «կանխամտածված սադրանք», որն ուղղված է իրավիճակի սրմանը։.
Ավելի ուշ, G20 գագաթնաժողովի շրջանակներում համաշխարհային առաջնորդների հետ հանդիպումից հետո, ԱՄՆ նախագահ Ջո Բայդենը Ռուսաստանից հրթիռի արձակումը քիչ հավանական անվանեց։ «Բայց կտեսնենք», - ասաց նա՝ վստահեցնելով, որ ԱՄՆ-ն և ՆԱՏՕ-ն կօգնեն Վարշավային պայթյունի հետաքննության հարցում։.
