ԵՄ 27 անդամ երկրների ներկայացուցիչները համաձայնության են եկել Ռուսաստանից ածխի մատակարարումների վրա էմբարգո սահմանելու և ռուսական նավերի համար ԵՄ նավահանգիստները փակելու հարցում՝ որպես Ռուսաստանի կողմից Ուկրաինա ներխուժմանն ի պատասխան պատժամիջոցների հինգերորդ փուլի մաս։.
Այս մասին հայտարարել է ԵՄ խորհուրդը։ Սահմանափակումներ կմտցվեն նաև Ռուսաստան զենքի արտահանման վրա։ Սահմանափակումները կվերաբերեն ռուսական բեռնափոխադրումներին և որոշակի ռուսական ապրանքների, մասնավորապես՝ բարձր տեխնոլոգիական ներմուծմանը, իսկ մի քանի ռուսական բանկերի ակտիվները կսառեցվեն։ Պատժամիջոցների ցանկում ներառված են գործարարներ, լրագրողներ և զինծառայողներ։ Միջոցառումների փաթեթը կհրապարակվի ուրբաթ օրը։.
Ավելի վաղ այդ օրը Եվրախորհրդարանը կոչ արեց Ռուսաստանից գազի, նավթի և ածխի ներմուծման վրա էմբարգո սահմանել: Եվրախորհրդարանի բանաձևերը պարտադիր չեն ԵՄ գործադիր մարմինների համար: Եվրախորհրդարանի պատգամավորները կոչ արեցին ԵՄ խորհրդին ընդունել լրացուցիչ «խիստ պատժամիջոցներ», որոնք, ըստ փաստաթղթի, համարժեք կլինեն ռուսական ագրեսիայի շարունակական սրմանը:.
