Թուրքիայի նախագահի աշխատակազմի մամուլի և հաղորդակցության վարչության պետ Ֆահրեթթին Ալթունը հայտարարել է Ուկրաինայից հացահատիկի արտահանման հարցը կարգավորող «գործառնական կենտրոնի» ստեղծման վերաբերյալ կոնսենսուսի մասին։.
«Եվրոպական պրավդա»-ի փոխանցմամբ՝ Ալթունն այս մասին հայտարարել է իտալական «Il Messagero» թերթին տված հարցազրույցում։.
«Մենք միջնորդի դեր խաղացինք, և մեր բանակցությունների արդյունքում կոնսենսուսի հասանք Ստամբուլում գործողությունների կենտրոն ստեղծելու վերաբերյալ: Մենք հույս ունենք, որ հացահատիկով բեռնված նավերը հնարավորինս շուտ կմեկնեն», - ասաց պաշտոնյան:.
Նա հավելեց, որ Թուրքիան մեծ նշանակություն է տալիս այս գործընթացի անվտանգ իրականացմանը և ցանկացած միջադեպի կանխարգելմանը. «Մենք զգուշավոր լավատեսությամբ ենք մոտենում, որ այս հարցում շուտով կարող են իրական քայլեր ձեռնարկվել»։.
Ալթունը նաև մեկնաբանեց Թուրքիայի դերը Ռուսաստանի և Ուկրաինայի միջև պատերազմում. նրա խոսքով՝ Անկարան ձգտում է ցանկացած պարագայում նպաստել «արդար խաղաղության», քննադատելով անանուն երկրներին, որոնք, իբր, պաշտպանում են Ռուսաստանին ուժասպառ անելու համար երկարատև պատերազմը։.
Էրդողանի խորհրդականը հայտարարել է, որ Թուրքիան չի միանա Մոսկվայի դեմ պատժամիջոցներին, եթե դրանք չկիրառվեն ՄԱԿ-ի մակարդակով։.
Անցյալ շաբաթ Թուրքիայի պաշտպանության նախարարության պատվիրակությունը Մոսկվայում բանակցություններ է վարել ուկրաինական հացահատիկի ծովային արտահանման ապաշրջափակման վերաբերյալ։.
Թուրքիայի պաշտպանության նախարարության տվյալներով՝ հանդիպումն անցել է «կառուցողական և շատ դրական մթնոլորտում», և դրա մասնակիցները հայտարարել են Ուկրաինայի և ՄԱԿ-ի մասնակցությամբ քառակողմ բանակցություններ անցկացնելու վերաբերյալ փոխըմբռնման մասին։.
Միևնույն ժամանակ, Ուկրաինայի արտաքին գործերի նախարարությունը չի հաստատել այս համաձայնագիրը։.
Ռուսաստանը փակում է Սև ծովը՝ թույլ չտալով Ուկրաինային իր սննդամթերքը արտահանել ծովային ճանապարհով: Այն նաև մեղադրում է Արևմուտքին իր դեմ պատժամիջոցների պատճառով սննդամթերքի գները բարձրացնելու համար:.
Կարդացե՛ք աղբյուրը
