Ուկրաինայի զինված ուժերը Կուրսկի շրջանում գործողության ընթացքում գերի են վերցրել 594 ռուս զինվորի, BBC-ին հայտնել է Ուկրաինայի զինված ուժերի գլխավոր հրամանատար Ալեքսանդր Սիրսկին։ ի փոխանցմամբ ՝ այս գործողությունը պատասխան էր ռուսական ուժերի կողմից Ուկրաինայի տարածքի կանոնավոր հրետակոծությանը։
«Ուկրաինա 2024. Անկախություն» ֆորումի ժամանակ Սիրսկին ընդգծեց, որ ռուսական բանակը ստիպված է զգալի ուժեր տեղափոխել Կուրսկի հատված, ինչը նրանց շեղում է ռազմավարական առումով կարևոր այլ շրջաններից։.
Սիրսկու խոսքով՝ Ուկրաինան հարձակում է սկսել Կուրսկի մարզում՝ անվտանգության գոտի ստեղծելու և Ռուսաստանի տարածքից հրետակոծությունը դադարեցնելու համար։ Նա նշել է, որ գործողության նպատակներից մեկը ռուսական զորքերի շեղումն էր այլ ճակատներից, մասնավորապես՝ Դոնեցկի մարզից, որտեղ Ռուսաստանը շարունակում է կուտակել իր զորքերի թվաքանակը։.
«Վաշինգտոն Փոստ»-ը, որն ուսումնասիրել է ռուս գերիների տեսանյութերը, եզրակացրել է, որ ուկրաինական ուժերը գերի են վերցրել առնվազն 247 ռուս զինվորի, չնայած իրական թիվը կարող է զգալիորեն ավելի մեծ լինել։ Նրանց մեծ մասը ժամկետային զինծառայողներ են։.
Ուկրաինական ուժերը ներկայումս վերահսկում են Կուրսկի մարզի 1294 քառակուսի կիլոմետր տարածք և 100 բնակավայր։ Ռուսական պաշտոնական աղբյուրները չեն հաստատել այս տվյալները կամ չեն մեկնաբանել կորուստների մասին պնդումները։.
