Ավելի քան 20 Ռուսաստանի քաղաքացի, փախչելով հայրենիքում զորակոչից, երեք զբոսանավերով փախել են Հարավային Կորեա, հաղորդում է BBC-ն՝ հղում անելով հարավկորեական լրատվամիջոցներին։.
Փախուստի դիմածները 20-30 տարեկան տղամարդիկ են։.
Միայն երկուսին տրամադրվեց մուտքի թույլտվություն։ Մյուսների վերաբերյալ ներգաղթային իշխանությունները հայտարարեցին, որ Հարավային Կորեա նրանց այցի նպատակը անհասկանալի էր։.
Ռուսաստանի քաղաքացիներին Հարավային Կորեա մուտք գործելու համար վիզա պետք չէ։ Նրանք միայն պետք է էլեկտրոնային թույլտվություն ստանան սահմանը հատելուց առաջ։.
Ներկայումս պարզ չէ, թե արդյոք զբոսանավի ուղևորներն ունեին նման թույլտվություններ, և ինչու են Հարավային Կորեայի իշխանությունները արգելել նրանց մուտքը երկիր։.
Սահմանային ծառայությունը հրաժարվել է մեկնաբանել իրավիճակը «Ռոյթերս»-ին։.
Նավակները ժամանել են Ռուսաստանի Հեռավոր Արևելքի նավահանգիստներից և, կարծես, դեռևս գտնվում են Հարավային Կորեայի ջրերում։.
Ռուսաստանից մասնավոր զբոսանավով փախչելը բավականին շքեղ միջոց է զորակոչից խուսափելու համար։.
Սեպտեմբերի 21-ից, երբ Ռուսաստանում հայտարարվեց զորահավաք, հարյուր հազարավոր տղամարդիկ լքել են երկիրը Ֆինլանդիայի, Վրաստանի, Ղազախստանի և Մոնղոլիայի հետ սահմանային անցակետերով։ Նրանք հիմնականում անցել են մեքենայով, բայց հաճախ՝ հեծանիվով կամ նույնիսկ ոտքով։.
