Գերմանիայի կանցլեր Օլաֆ Շոլցը հայտարարել է, որ Արևմուտքը զենքով աջակցում է Ուկրաինային, որպեսզի այն կարողանա պաշտպանել իր ինքնիշխանությունն ու տարածքային ամբողջականությունը։.
Այս մասին նա հայտարարել է Շվեդիա կատարած այցի ժամանակ, գրում է «Եվրոպական պրավդան»՝ հղում անելով RND-ին։.
Շոլցին հարցրել են, թե արդյոք Ուկրաինան կարող է նաև օգտագործել Արևմուտքի կողմից մատակարարվող զենքը՝ Ղրիմի թերակղզին վերագրավելու համար։.
Կանցլերը խուսափողականորեն պատասխանեց՝ նշելով, որ Ուկրաինային զենք են մատակարարում, «որպեսզի այն կարողանա պաշտպանել իր տարածքային ինքնիշխանությունը»։.
«Մենք աջակցում ենք Ուկրաինային մեր կողմից մատակարարվող զենքով, և սա նրա համար է, որ այն կարողանա պաշտպանել իր պետության և տարածքի ամբողջականությունն ու ինքնիշխանությունը», - ասաց Օլաֆ Շոլցը։.
Նա վստահեցրեց Ուկրաինային, որ զենքի մատակարարումները կշարունակվեն։ Շվեդիայի վարչապետ Մագդալենա Անդերսոնը աջակցեց Գերմանիայի վարչապետին այս հարցում։.
«Ռուսաստանը չպետք է հաղթի այս պատերազմում. սա կարևոր է Ուկրաինայի և Եվրոպայի համար։ Քանի դեռ պատերազմը շարունակվում է, մենք պետք է անսասան մնանք», - ասաց Անդերսոնը։.
