Հուլիսի 1-ին Ուզբեկստանի ինքնավար մարզ Կարակալպակստան Հանրապետությունում զանգվածային անկարգություններ բռնկվեցին, այն բանից հետո, երբ իշխանությունները որոշեցին չեղարկել դրա հատուկ կարգավիճակը: «Ամերիկայի ձայն»-ի փոխանցմամբ՝ ցուցարարները բողոքում էին Ուզբեկստանի սահմանադրության երկու փոփոխությունների դեմ. մեկը չեղարկում էր Կարակալպակստանի ինքնիշխան կարգավիճակը, մյուսը՝ զրկում նրան Ուզբեկստանից անջատվելու իրավունքից:.
Շաբաթ օրը շարունակվեցին անկարգությունները, ամբողջ երկրում տեղի ունեցան բախումներ ցուցարարների և անվտանգության ուժերի միջև։ Ցուցարարները փորձեցին գրավել կառավարական շենքերը։ Զոհվեց առնվազն 18 մարդ։.
«Ցավոք, կան զոհեր ինչպես քաղաքացիական անձանց, այնպես էլ իրավապահ մարմինների աշխատակիցների շրջանում», - ասել է Ուզբեկստանի նախագահ Շավքաթ Միրզիյոևը, ով ժամանել էր անկարգությունների վայր։.
Ուզբեկական Daryo.uz լրատվական կայքը հաղորդում է, որ հազարավոր մարդիկ հոսպիտալացվել են։ Կարակալպակստանում հայտարարվել է արտակարգ դրություն։.
Արդյունքում, Ուզբեկստանի խորհրդարանը որոշեց պահպանել Կարակալպակստանի ինքնիշխանության կարգավիճակը նոր Սահմանադրության նախագծում և չեղյալ համարել համապատասխան փոփոխությունները։.
Կարակալպակստանը Խորեզմ հին նահանգի մաս է կազմում, որը հայտնի է մ.թ.ա. 7-րդ դարից: 1873 թվականին Խորեզմը գաղութացվել է Ռուսական կայսրության կողմից: 1930-ից 1936 թվականներին Կարակալպակստանի մարզը ՌՍՖՍՀ-ի մաս էր կազմում, իսկ ավելի ուշ, որպես ինքնավար մարզ, այն ներառվել է Ուզբեկական ԽՍՀ-ի մեջ: 1990 թվականին Կարակալպակստանի խորհրդարանն ընդունել է պետական ինքնիշխանության հռչակագիր: 1993 թվականին ստորագրվել է համաձայնագիր Ուզբեկստանին 20 տարով՝ հանրաքվեով անջատվելու իրավունքով:.
