Ռուսաստանի, Բելառուսի և Ուկրաինայի սահմանների հատման կետում գտնվող «Երեք քույրեր» հուշարձանի մոտակայքում պայթյուն է տեղի ունեցել, հայտնում է Ուկրաինայի սահմանապահ ծառայությունը։.
Սահմանապահների հրապարակման մեջ պնդվում է, որ պայթյունը տեղի է ունեցել ռուսների կողմից։ Սահմանապահ ծառայությունը պնդում է, որ դա արվել է ուկրաինական ռազմական տեխնիկայի մուտքը Ռուսաստանի տարածք կանխելու համար։.
Սահմանապահ ծառայության մամուլի խոսնակ Անդրեյ Դեմչենկոն ասել է , որ պայթյունը տեղի է ունեցել երեկ։ Պայթեցված ճանապարհը կապում է Չեռնիգովը և Բրյանսկը։
Ուկրաինայի նախագահի գրասենյակը նույնպես մեկնաբանել է իրավիճակը։ «Ռուսները պայթեցնում են սահմանների երկայնքով ճանապարհները, որոնցով նրանք մեքենայով գնում էին «Կիևը երեք օրում գրավելու» համար», - գրել է գրասենյակի ղեկավար Անդրեյ Երմակը։
Ռուսական և բելառուսական կողմերը դեռևս չեն մեկնաբանել միջադեպը։.
«Երեք քույրեր» հուշարձանը տեղադրվել է Բելառուսի, Ռուսաստանի և Ուկրաինայի սահմանին 1975 թվականին։ Այն խորհրդանշում էր երեք ժողովուրդների բարեկամությունը։.
