Ռուսաստանում հիփոթեքային վարկերի միջին տոկոսադրույքը հասել է 21%-ի, ինչը վերջին վեց տարվա ընթացքում ամենաբարձր ցուցանիշն է, հաղորդում է ՝ հղում անելով «Կոմերսանտին»։
Ընդամենը մեկ տարի առաջ այս ցուցանիշը 15%-ից ցածր էր, և շատ փորձագետներ ներկայիս աճը բացատրում են պետական ֆինանսավորման դադարեցմամբ։ Բյուջետային աջակցության բացակայության դեպքում հիփոթեքային վարկերը դառնում են ավելի քիչ հասանելի ռուսների համար։.
Անշարժ գույքի փորձագետ Միխայիլ Խորկովը նշել է, որ արտոնյալ հիփոթեքային վարկերի վերացումը հանգեցրել է վարկերի տրամադրման կտրուկ անկման: «Սբերբանկ»-ի գործադիր տնօրեն Հերման Գրեֆը հայտնել է, որ հուլիսին հիփոթեքային վարկերի տրամադրման ծավալը նախորդ տարվա համեմատ նվազել է 40-60%-ով: Որոշ տեսակի հիփոթեքային վարկերի դեպքում անկումը գերազանցել է 90%-ը:.
Վերլուծաբան Յուրի Բելիկովը նշել է, որ հիփոթեքային շուկան ներկայումս «սառեցված է», և վերականգնումը հնարավոր է միայն շուկայական հիփոթեքների միջոցով, քանի որ արտոնյալ ծրագրերն արդեն սպառվել են: Տնտեսագետ Իգոր Լիպսիցը հավելել է, որ առանց արտոնյալ պայմանների շինարարությունը կնվազի, ինչը կարող է բացասաբար անդրադառնալ ոլորտի վրա:.
