Բեռլինի Շյոնեֆելդ օդանավակայանում վայրէջք կատարեց կոմայի մեջ գտնվող ընդդիմադիր առաջնորդ Ալեքսեյ Նավալնիին տեղափոխող բժշկական ինքնաթիռը։ Reuters-ը հայտնում է, որ ընդդիմության առաջնորդի վիճակը կայուն է եղել թռիչքի ընթացքում և վայրէջքից հետո։.
Ինքնաթիռը Օմսկից մեկնել է առավոտյան ժամը 5-ի սահմաններում : Նավալնիի մամուլի քարտուղար Կիրա Յարմիշը Twitter- ում հայտնել է , որ ընդդիմության առաջնորդի կինը նրա հետ ինքնաթիռում է եղել :
Նավալնին տեղափոխվելու է գերմանական Charite կլինիկա։.
Մեկ օր առաջ Օմսկ էր ժամանել ինքնաթիռ՝ ընդդիմության առաջնորդին վերցնելու համար։ Սկզբում բժիշկները հրաժարվել էին հաստատել նրա Գերմանիա տեղափոխումը նրա անկայուն վիճակի պատճառով։ Սակայն երեկոյան նրանք հաստատել էին Նավալնիի Գերմանիա տեղափոխումը՝ կնոջ պատասխանատվությամբ բուժման համար։.
