Փհենյանում ռուս նախարարներին վռնդել են նիստերի դահլիճից՝ Հյուսիսային Կորեայի առաջնորդ Կիմ Չեն Ընի առջև մտնելուց հետո։ Միջազգային հանդիպման ուղիղ հեռարձակման կադրերը ցույց են տալիս առաջացած խառնաշփոթը։.
Հունիսի 19-ին տեղի ունեցավ ԿԺԴՀ-ի և Ռուսաստանի ներկայացուցիչների ընդլայնված կազմով հանդիպումը։ Ռուսաստանի նախագահ Վլադիմիր Պուտինից բացի, հանդիպմանը մասնակցել են նաև Ռուսաստանի արտաքին գործերի նախարար Սերգեյ Լավրովը, պաշտպանության նախարար Անդրեյ Բելոուսովը, առողջապահության նախարար Միխայիլ Մուրաշկոն, առաջին փոխվարչապետ Դենիս Մանտուրովը և Ռուսաստանի կառավարության այլ բարձրաստիճան անդամներ։.
Դատելով տեսաերիզից, հանդիպմանը ժամանած պաշտոնյաները սկսեցին զբաղեցնել իրենց տեղերը ռուսական եռագույնով և թարմ ծաղիկներով զարդարված սեղանի շուրջ։ Նախարարներն արդեն սկսել էին փաստաթղթերը հանել իրենց պայուսակներից, երբ հյուսիսկորեացի պաշտոնյան խնդրեց նրանց լքել նիստերի սենյակը, քանի որ սպասվում էր, որ Կիմ Չեն Ընը առաջինը կմտնի։ «Դուք պետք է ինձ անմիջապես զգուշացնեիք», - նկատեց ռուսական պատվիրակության անդամներից մեկը։.
Գործարար էթիկայի, էթիկետի և արարողակարգի փորձագետների ազգային ասոցիացիայի նախագահ Ալբինա Խոլգովան բացատրեց, որ եթե ԿԺԴՀ-ում իսկապես ընդունված է, որ պետության ղեկավարը նախ մտնի սենյակ, ապա չպետք է վիրավորվել հյուսիսկորեացի պաշտոնյայի խնդրանքից։ Հակառակ դեպքում, փորձագետը հավելեց, որ ժեստը կարող է անքաղաքավարի համարվել։.
