Ստոկհոլմում Ռուսաստանի դեսպան Վիկտոր Թաթարինցևը կանչվել է Շվեդիայի արտաքին գործերի նախարարություն՝ Ռուսաստանի դիվանագիտական առաքելության կայքում Շվեդիային և Ֆինլանդիային ՆԱՏՕ-ին միանալու դեպքում սպառնացող հոդվածի հրապարակումից հետո, հաղորդում է Sky News-ը։.
Մասնավորապես, ռուս դիվանագետը նշել է, որ ՆԱՏՕ-ին միանալը սկանդինավյան երկրները կդարձնի «ռուսական հակազդեցությունների, այդ թվում՝ ռազմական, օրինական թիրախ»։.
Շվեդիայի արտաքին գործերի նախարար Տոբիաս Բիլստրյոմը հայտարարությունը որակել է «միջամտության ակնհայտ փորձ»։.
Հիշեցնենք, որ 2022 թվականի մայիսին Շվեդիան և Ֆինլանդիան ՆԱՏՕ-ին անդամակցելու դիմումներ ներկայացրեցին։ Երկրները այս որոշումը կայացրին Ուկրաինայում ռուսական ագրեսիայի սկսվելուց հետո։ Հունիսի վերջին Մադրիդի գագաթնաժողովում Շվեդիան և Ֆինլանդիան ստացան դաշինքին միանալու պաշտոնական հրավերներ։.
2023 թվականի մարտի 17-ին, Ֆինլանդիայի նախագահ Սաուլի Նիինիստյոյի հետ հանդիպումից հետո, Թուրքիայի նախագահ Ռեջեփ Թայիփ Էրդողանը հայտարարեց, որ Անկարան կվավերացնի Ֆինլանդիայի Հյուսիսատլանտյան դաշինքին անդամակցության արձանագրությունը՝ Շվեդիայից առանձին։.
