Ռուսաստանի կրթության նախարար Սերգեյ Կրավցովը հայտարարել է, որ ռուս դպրոցականներին հայրենասիրական դաստիարակության շրջանակներում կսովորեցնեն այնպիսի արժեքներ, ինչպիսիք են երկիրը, ընտանիքը, փոխօգնությունը, սպորտն ու առողջությունը, բնության սերը և այլն։.
Այս մասին հաղորդում է «Ինտերֆաքս»-ը՝ հղում անելով նախարարի ելույթին Պետդումայի համապատասխան հանձնաժողովում՝ դպրոցականների կրթության մասին օրինագծի քննարկման ժամանակ։
Կրավցովը նշեց, որ նախարարությունն արդեն քննարկել է միասնական դպրոցական կրթության ծրագիրը ուսուցիչների հետ։ Նա նշեց, որ դրա ներդրումը կհամակարգի դպրոցներում արդեն իսկ իրականացվող աշխատանքները և չի մեծացնի կրթական հաստատությունների բյուրոկրատական բեռը։.
Նոր օրինագծի համաձայն՝ դպրոցականների կրթությունը կապված կլինի «հայրենասիրության և քաղաքացիական պատասխանատվության զգացողության» զարգացման և «Հայրենիքի պաշտպանների և հերոսների սխրանքների հիշատակի» նկատմամբ հարգանքի հետ։.
Նախարարը նշեց, որ հայրենասիրական դաստիարակության ամրապնդումը չի նշանակում, որ դպրոցները կառաջարկեն հայրենասիրության դասեր կամ կնշանակեն դրանց համար գնահատականներ։.
Օրինագծի քննարկումից հետո համապատասխան հանձնաժողովը առաջարկեց այն ընդունել առաջին ընթերցմամբ։.
