Ուկրաինայի ազգային ոստիկանության տվյալներով՝ Տերնոպոլի վրա Ռուսաստանի կողմից իրականացված հարվածի հետևանքով զոհերի թիվը հասել է 20-ի։.
Զոհերի թվում էին երկու երեխա։ Վիրավորվել է ավելի քան 60 մարդ, այդ թվում՝ անչափահասներ։.
Ուկրաինայի իշխանությունները պնդում են, որ ռուսական ուժերը նոյեմբերի 19-ի գիշերը հարձակվել են երկրի արևմտյան շրջանների վրա։ Ուկրաինական կողմի տվյալներով՝ Տերնոպոլի վրա հարձակման հետևանքով մասնակիորեն ավերվել է ինը հարկանի շենք, իսկ մեկ այլ բարձրահարկ շենքում հրդեհ է բռնկվել։ Նախագահ Վլադիմիր Զելենսկին հայտարարել է, որ «փրկարարական գործողությունները շարունակվում են», և զոհերի թիվը կարող է աճել։ Նախնական տեղեկությունների համաձայն՝ շենքը հարվածել է Kh-101 հրթիռը։.
Լվովում հրթիռային և անօդաչու թռչող սարքերի հարձակումից հետո խոշոր հրդեհ է բռնկվել։ Վնասվել են էներգետիկ օբյեկտ, պահեստներ և փայտամշակման գործարան։ Հարվածվել են Ռովնո և Իվանո-Ֆրանկովսկի մարզերը։ Իվանո-Ֆրանկովսկի մարզում վիրավորվել է երեք մարդ, որոնցից երկուսը երեխաներ են։.
Լեհաստանը կործանիչներ է օդ բարձրացրել սահմանը հսկելու համար՝ հարևան Ուկրաինայի շրջանների վրա հարվածներից հետո: ՆԱՏՕ-ի պարեկային ուժերը նույնպես մարտական պատրաստվածության են բերվել: Սահմանային խախտումների մասին հաղորդագրություններ չեն եղել:.
Ուկրաինայի էներգետիկայի նախարարությունը հայտնել է մի քանի շրջաններում տեղի ունեցած հարձակումներից հետո էլեկտրաէներգիայի արտակարգ անջատումների մասին: Խարկովում վնասվել են բնակելի շենքեր և քաղաքացիական ենթակառուցվածքներ: Տեղական իշխանությունները այսօր առավոտյան հայտնել են ավելի քան 40 վիրավորի մասին:.
Զելենսկու խոսքով՝ Ռուսաստանը Ուկրաինայի ուղղությամբ արձակել է ավելի քան 470 գրոհային անօդաչու թռչող սարք և տարբեր տեսակի 48 հրթիռ։ Ռուսաստանի պաշտպանության նախարարությունը պնդում է, որ հարձակվել է «ռազմաարդյունաբերական և էներգետիկ օբյեկտների» վրա և որ «բոլոր նշանակված թիրախները հարվածվել են»։.
