Հռոմի պապի խոսքով՝ Ուկրաինայում այժմ տեղի ունեցողը բարբարոսություն է։.
Հռոմի պապ Ֆրանցիսկոսը կոչ արեց դադարեցնել Ուկրաինայում պատերազմը, որը Ռուսաստանի Դաշնությունը սանձազերծեց փետրվարի 24-ին: Նա այն անվանեց բարբարոսություն՝ պնդելով, որ զոհվում են երեխաներ, կանայք և զինվորներ:.
Այս մասին հաղորդում է Vatican News-ը։.
«Աստծո անունով աղաչում եմ ձեզ. դադարեցրեք այս կոտորածը։ Ծանր սրտով միանում եմ պատերազմի դադարեցման համար աղերսող սովորական մարդկանց ձայներին», - ասաց Հռոմի պապը։.
Նա նաև սարսափ հայտնեց բարբարոսության, երեխաների, անմեղ և անզեն քաղաքացիական անձանց սպանության նկատմամբ և կոչ արեց դադարեցնել անընդունելի զինված ագրեսիան, նախքան այն Ուկրաինայի քաղաքները գերեզմանատների կվերածի։.
«Կա Աստված, բայց միայն խաղաղության Աստված, ոչ թե պատերազմի Աստված, և նրանք, ովքեր աջակցում են բռնությանը, պղծում են նրա անունը», - հավելել է Հռոմի պապը։.
Հիշեցնենք, որ Հռոմի պապն ավելի վաղ կոչ էր արել դադարեցնել Ռուսաստանի հարձակումը Ուկրաինայում և ստեղծել մարդասիրական միջանցքներ։.
Բացի այդ, Վատիկանը պատրաստ է միջնորդել Ուկրաինայում հրադադարի հաստատմանը։.
