Համբուրգում տեղի է ունեցել մարմնավաճառների ցույց: Ռեպերբանի կարմիր լապտերների թաղամասի մասնակիցները պահանջել են վերաբացել հասարակաց տները, որոնք փակվել էին կորոնավիրուսի համավարակի պատճառով:.
Ըստ «Ռոյթերս»-ի՝ ոլորտի աշխատողները պաստառներ էին պահել՝ կոչ անելով աջակցել իրենց պահանջներին: Ցույցը կազմակերպել էր Սեռական աշխատողների ասոցիացիան: Ակտիվիստները բացատրում են, որ հասարակաց տներում հաճախորդներ ընդունելու անկարողությունը կանանց ստիպում է փողոց դուրս գալ, ինչը շատ ավելի վտանգավոր է նրանց համար և նաև անօրինական: Միևնույն ժամանակ, հասարակաց տները, ըստ ցուցարարների, ունակ են ապահովել անվտանգության միջոցառումներ:.
«Ամենահին մասնագիտությունը կարիք ունի ձեր աջակցության», - ասվում էր մի կարգախոսում։.
Ասոցիացիայի ներկայացուցիչների խոսքով՝ կարանտինը զրկել է մարմնավաճառներին ապրուստ վաստակելու հնարավորությունից։ Սակայն պետք է նշել, որ մարմնավաճառությունը Գերմանիայում օրինական է և հարկվում է, տարեկան շրջանառությունը կազմում է մոտավորապես վեց միլիարդ եվրո։.
