Շրի Լանկայի մայրաքաղաք Կոլոմբոյում հազարավոր ցուցարարներ ճեղքել են ոստիկանական պատնեշները և ներխուժել նախագահական նստավայր: Բողոքի ակցիային մասնակցել են երկրի տնտեսական վիճակից դժգոհ մարդիկ, և ոստիկանությունը կիրառել է արցունքաբեր գազ, հաղորդում է AFP-ն:.
Բողոքի ցույցերի արդյունքում 33 մարդ հոսպիտալացվել է, որոնցից երկուսը գտնվում են ծանր վիճակում: Նախագահ Գոտաբայ Ռաջապակսան հասցրել է լքել իր նստավայրը մինչև ցուցարարների ժամանումը:.
Շրի Լանկայի վարչապետը կուսակցության առաջնորդների արտակարգ նիստ է հրավիրել՝ ի պատասխան երկրի մայրաքաղաքում տեղի ունեցող բողոքի ցույցերի։.
Հազարավոր ցուցարարներ երկրի տարբեր ծայրերից եկել են Կոլոմբո՝ պահանջելու նախագահի հրաժարականը՝ ծանր տնտեսական իրավիճակի պատճառով։ Այն վատթարացել է COVID-19 համավարակի պատճառով՝ ազդելով եկամտաբեր զբոսաշրջության արդյունաբերության վրա և ստեղծելով արտարժույթի և վառելիքի պակաս, հաղորդում է indianexpress.com-ը։
Շրի Լանկայում, որը Հարավային Ասիայի կղզային պետություն է՝ 22 միլիոն բնակչությամբ, բենզինի և դիզելային վառելիքի, ինչպես նաև որոշ սննդամթերքի և դեղորայքի պակաս կա։ Երկիրը նաև բախվում է ռեկորդային բարձր գնաճի (54.6% 2022 թվականի հունիսին) և երկարատև էլեկտրաէներգիայի անջատումների։ Շրի Լանկայի նախագահը մեղադրվել է վատ կառավարման մեջ, բայց նա հրաժարվում է հրաժարական տալ։.
Երկրով մեկ բողոքի ցույցեր բռնկվեցին։ Ի պատասխան՝ իշխանությունները հայտարարեցին արտակարգ դրություն և նախապատվությունը տվեցին դեֆոլտին։ Շրի Լանկայի արտաքին պարտքը հասել է 51 միլիարդ դոլարի, որից 700 միլիոն դոլարը պատկանում է պետական «Ցեյլոն Փեթրոլիում Քորփորեյշն» նավթագազային ընկերությանը։.
