ՆԱՏՕ-ի երկրները մտադիր են քննարկել Ուկրաինայի հետագա ինտեգրման հարցը Վիլնյուսում կայանալիք գագաթնաժողովում։ Սա հաստատել է ՆԱՏՕ-ի գլխավոր քարտուղար Յենս Ստոլտենբերգը Կիև կատարած այցի ժամանակ։.
Ուկրաինայի նախագահ Վլադիմիր Զելենսկին կոչ արեց կազմակերպությանը ավելի վճռականորեն գործել։
«Չկան օբյեկտիվ խոչընդոտներ, որոնք կխանգարեին Ուկրաինային ՆԱՏՕ հրավիրելու վերաբերյալ քաղաքական որոշման կայացմանը։ Այժմ, երբ ՆԱՏՕ-ի երկրների բնակչության մեծամասնությունը և ուկրաինացիների մեծամասնությունը աջակցում է մեր երկրի անդամակցությանը դաշինքին, եկել է համապատասխան որոշում կայացնելու ժամանակը»։.
Ստոլտենբերգը Զելենսկուն վստահեցրել է
«Դաշինքի, ՆԱՏՕ-ի դաշնակիցների հիմնական խնդիրն այժմ Ուկրաինայի հաղթանակն ապահովելն է։ Ապահովել, որ Ուկրաինան մնա ինքնիշխան, անկախ, ժողովրդավարական երկիր Եվրոպայում։ Որովհետև սա Ուկրաինայի ապագա անդամակցության վերաբերյալ իմաստալից քննարկում անցկացնելու միակ միջոցն է»։.
Ուկրաինան ՆԱՏՕ-ին արագացված անդամակցության հայտ է ներկայացրել 2022 թվականի սեպտեմբերին։ Մինչ այդ դաշինքը հայտարարել էր, որ այս հարցում Մոսկվայի հետ փոխզիջումը անհնար է, քանի որ Ուկրաինան ինքնիշխան պետություն է։ Ռուսական ագրեսիայի պայմաններում ՆԱՏՕ-ի երկրները դարձել են Կիևին ռազմական օգնության ամենամեծ մատակարարները։.
