Իռլանդացիները ճանաչվել են աշխարհի ամենատգեղ ազգը՝ ըստ «Գեղեցիկ մարդկանց ակումբ» անվամբ հայտնի BeautifulPeople ծանոթությունների կայքի վիճակագրության, հաղորդում է Mirror թերթը։.
Ակումբի անդամ դառնալու համար առցանց օգտատերերը անցնում են դեմքի ստուգման գործընթաց. հակառակ սեռի ներկայիս անդամները գնահատում են թեկնածուի լուսանկարը և համառոտ նկարագրությունը, այնուհետև կայացնում են դատավճիռ: Նրանց քվեարկությունը տևում է 48 ժամ: Կայքին միանալուն խոչընդոտող գործոններից են՝ մաշկի վատ վիճակը, մեծ քիթը, ավելորդ քաշը կամ չափազանց նիհար լինելը, ինչպես նաև մարմնի բարակ կամ նոսր մազածածկույթ ունենալը:.
Պարզվեց, որ գրանցվել փորձած բոլոր իռլանդացիների միայն վեց տոկոսն է հաստատվել։.
«Հոլիվուդում կան գրավիչ իռլանդացի տղամարդկանց բազմաթիվ օրինակներ, ինչպիսիք են Քիլիան Մերֆին, Ջեյմի Դորնանը և Քոլին Ֆարելը, բայց նրանք բացառություն են կազմում։ Դժբախտաբար, իռլանդացիները մոլորակի ամենատգեղ տղամարդիկ են», - նշել է կայքի կառավարիչ տնօրեն Գրեգ Հոջը։.
Իռլանդացի կանայք, մյուս կողմից, պորտալի օգտատերերի շարքում զբաղեցրել են վեցերորդ տեղը՝ նրանց էջերի 35 տոկոսը հաստատվել է։.
Ակումբի վիճակագրության համաձայն՝ ամենագեղեցիկ մարդիկ ապրում են Դուբլինում, մինչդեռ Լիմերիկի, Բելֆաստի և Գոլվեյի օգտատերերը կայքի մասնագետներից ամենից հաճախ բացասական արձագանք են ստանում։.
2019 թվականի մայիսին նույն կայքի անդամների կողմից ռուսները դասվեցին աշխարհի ամենատգեղ ազգերի շարքում։ Այդ ժամանակ կայքում մերժված թեկնածուների թիվը կազմել էր 8.5 միլիոն։ Ակումբի տվյալներով՝ այս խմբում առաջատարը բրիտանացիներն են, որոնց հաջորդում են հնդիկները, ռուսները և ֆիլիպինցիները։.
