Մոլդովայի արտաքին գործերի և եվրոպական ինտեգրման նախարարությունը կանչել է Քիշնևում Ռուսաստանի դեսպան Օլեգ Վասնեցովին այն բանից հետո, երբ ռուսական հրթիռը ընկել է տեղի գյուղերից մեկում, հայտնում է նախարարության կայքը։.
Ռուսաստանի դեսպանին տեղեկացվել է, որ նախարարությունը որոշել է իր դեսպանատան աշխատակիցներից մեկին հայտարարել անցանկալի անձ։ Նա պետք է լքի երկիրը։.
«Հարևան պետության վրա հրթիռային հարձակումները շարունակում են մեծացնել անվտանգության ռիսկերը, և [Մոլդովայի] քաղաքացիները ավելի ու ավելի են զգում պատերազմի ավերիչ հետևանքները», - ասվում է մամուլի հաղորդագրության մեջ։.
Մոլդովայի նախարարությունը նաև ընդգծել է, որ Ուկրաինայի էներգետիկ ենթակառուցվածքների վրա հարձակումները նույնպես սպառնալիք են ներկայացնում Մոլդովայի համար։.
Հոկտեմբերի 31-ի առավոտյան Ռուսաստանը ավելի քան 50 թևավոր հրթիռ է արձակել Ուկրաինայի քաղաքների, այդ թվում՝ Չեռնովցիի մարզի վրա։ Դրանցից մեկը վայրէջք է կատարել Մոլդովայի Նասլավցեա գյուղում։.
Հոկտեմբերի 10-ի առավոտյան, Ռուսաստանի կողմից Ուկրաինայի տարածքի զանգվածային հրետակոծության ժամանակ, երեք հրթիռ հատեց Մոլդովայի օդային տարածքը։.
