Ռուսաստանի կողմից Ուկրաինայում ռազմական գործողություններ սկսելուց ի վեր, ավելի քան 1 միլիոն մարդ լքել է երկիրը, ինչը, ըստ ՄԱԿ-ի տվյալների, այս դարի ամենաարագ տեղահանումն է։.
Ուկրաինայի բնակչության ավելի քան 2%-ը ստիպված եղավ լքել իր տները մեկ շաբաթից էլ պակաս ժամանակահատվածում։.
Զանգվածային տարհանումները ակնհայտ էին Խարկովում, որտեղ բնակիչները, հուսահատորեն փորձելով փախչել ընկնող արկերից ու ռումբերից, հավաքվել էին քաղաքի երկաթուղային կայարանում և խցկվել գնացքներում՝ միշտ չիմանալով, թե ուր են գնում։.
Իր տեսաուղերձում Ուկրաինայի նախագահ Վլադիմիր Զելենսկին կոչ արեց ուկրաինացիներին շարունակել դիմադրությունը։ Նա խոստացավ, որ զավթիչները «չեն ունենա խաղաղության մեկ րոպե» և ռուս զինվորներին անվանեց «շփոթված երեխաներ, որոնք շահագործվում են»։.
