Նեանդերթալներից ժառանգված գենետիկական նյութը ազդում է ժամանակակից մարդկանց դեմքի ձևի վրա։ Ուսումնասիրությունը հրապարակվել է «Communications Biology» ամսագրում։.
Լոնդոնի համալսարանական քոլեջի հետազոտողները ժամանակակից մարդու գենոմում հայտնաբերել են նեանդերտալներից ժառանգած գենետիկական նյութ, որը կարգավորում է քթի ձևը: Այս գենը, կարծես թե, բնական ընտրության արդյունք է եղել, քանի որ հին մարդիկ Աֆրիկայից հեռանալուց հետո հարմարվել են ավելի ցուրտ կլիմայական պայմաններին:.
Գիտնականները իրենց վերլուծության համար օգտագործել են Լատինական Ամերիկայից խառը (եվրոպական, բնիկ ամերիկացի և աֆրիկյան) ծագում ունեցող ավելի քան 6000 կամավորների տվյալներ: Հետազոտողները համեմատել են մասնակիցների լուսանկարները նրանց գենետիկական տվյալների հետ: Մասնավորապես, նրանք ուսումնասիրել են տարբեր դեմքի նշանների միջև եղած հեռավորությունը և փնտրել դրանք որոշող գենետիկական բնութագրերը:.
Հետազոտողները հայտնաբերել են դեմքի ձևի հետ կապված 33 գենոմային շրջաններ, որոնցից 26-ը նրանք կարողացել են հաստատել այլ էթնիկ խմբերի տվյալների համեմատությամբ: Նրանք նաև պարզել են, որ բնիկ ամերիկացիների և արևելաասիական ծագում ունեցող մարդկանց մեծ մասը ATF3 գենում ունեցել է հնագույն նեանդերտալյան ԴՆԹ-ի հետքեր: Դրա առկայությունը հանգեցրել է քթի բարձրության բարձրացմանը: Ավելին, հետազոտողները պարզել են, որ այս գենային շրջանը ցույց է տվել բնական ընտրության միջոցով ձևավորվելու նշաններ:.
Այս հայտնագործությունը երկրորդ անգամն է, որ Homo sapiens-ից բացի այլ հնագույն մարդկանց ԴՆԹ-ի հետքերը ազդում են ժամանակակից մարդու դեմքի ձևի վրա: 2021 թվականին հետազոտողների նույն խումբը ցույց տվեց, որ շրթունքների ձևին ազդող գենը ժառանգվել է հին դենիսովցիներից:.
