Ռուսաստանի Լիբերալ-դեմոկրատական կուսակցության՝ Լեոնիդ Սլուցկիի գլխավորությամբ գործող Պետդումայի պատգամավորները պատրաստել են օրինագիծ, որն արգելում է Ռուսաստանի քաղաքացիություն չունեցող աշխատանքային միգրանտներին իրենց ընտանիքներին Ռուսաստան բերել, հաղորդում է «ՌԻԱ Նովոստի»-ն
Օգոստոսի 19-ին Պետդումայում ներկայացված օրինագիծը նպատակ ունի սահմանափակել Ռուսաստանում աշխատանքային պայմանագրով կամ արտոնագրով աշխատող ցածր որակավորում ունեցող մասնագետների ընտանիքի անդամների մուտքը երկիր։.
Նախաձեռնությունը բխում է միգրացիայի հետևանքով առաջացած սոցիալական լարվածության դեմ պայքարի և կոմպակտ անկլավների ստեղծման կանխարգելման անհրաժեշտությունից, որտեղ միգրանտները ապրում են առանց տեղի բնակիչների նկատմամբ պատշաճ հարգանքի: Միակ բացառությունը կլինեն բարձր որակավորում ունեցող օտարերկրյա աշխատողների ընտանիքները:.
Օրինագծի հեղինակների կարծիքով, միգրանտ ընտանիքներին Ռուսաստան անարգել տեղափոխվելու ներկայիս պրակտիկան հանգեցնում է միգրանտների անվերահսկելի հոսքի և սոցիալական խնդիրներ ստեղծելու: Նոր օրինագիծը նպատակ ունի խստացնել միգրացիոն կարգավորումները և սահմանափակել Ռուսաստանում աշխատող միգրանտ ընտանիքների անդամների տեղաշարժվելու հնարավորությունը:.
