Միջազգային Կարմիր Խաչը պայքարում է այն հաղորդագրությունների դեմ, որոնք ինքը համարում է կեղծ և խոչընդոտում են իր աշխատանքը Ուկրաինայի պատերազմական գոտում։.
«Մենք տեսնում ենք միտումնավոր, նպատակային հարձակումներ, որոնցում օգտագործվում են կեղծ պատմություններ և ապատեղեկատվություն՝ Կարմիր Խաչի միջազգային կոմիտեին վարկաբեկելու համար։ Սա կարող է իրական վնաս հասցնել մեր թիմերին և մեր Կարմիր խաչի ու Կարմիր մահիկի գործընկերներին տեղում, ինչպես նաև մեր սպասարկած մարդկանց», - ասաց Կարմիր Խաչի մամուլի խոսնակ Էվան Ուոթսոնը։.
Կարմիր խաչի միջազգային կոմիտեն հերքել է այն մեղադրանքները, որ ինքը արդարացնում է մարդկանց, մասնավորապես Մարիուպոլից, հարկադիր տեղահանումը, և կեղծ է որակել այն հաղորդագրությունն այն մասին, որ այն նախատեսում է գրասենյակ բացել Ռուսաստանում՝ «Ուկրաինայից փախստականներին զտելու համար»։ (Ավելի վաղ Մարիուպոլի քաղաքային խորհուրդը հայտարարել էր, որ մոտ 15,000 մարդ իրենց կամքին հակառակ տարվել է Ռուսաստան, և որ նրանց անձը հաստատող փաստաթղթերը բռնագրավվել են):
Կարմիր խաչը նշել է, որ կազմակերպությունն այժմ ներկայացված է Ուկրաինայի տասը վայրերում և քննարկում է Դոնի Ռոստովում (Ռուսաստան) գրասենյակ բացելու հնարավորությունը, ընդգծելով չեզոք և անաչառ մարդասիրական աշխատանքը հարգելու անհրաժեշտությունը։.
