Չինաստանում ընթանում են կորոնավիրուսի դեմ 13 պատվաստանյութերի կլինիկական փորձարկումներ, որոնցից չորսը գտնվում են երրորդ փուլի փորձարկումների մեջ։ Այս մասին այսօր՝ հոկտեմբերի 20-ին, հայտարարեց Չինաստանի Ժողովրդական Հանրապետության գիտության և տեխնոլոգիաների նախարարության հանրային զարգացման վարչության փոխտնօրեն Տիան Բաոգուն։.
«Արդեն կլինիկական փորձարկումների փուլում են 13 պատվաստանյութ, այդ թվում՝ ինչպես ինակտիվացված պատվաստանյութեր, այնպես էլ ադենովիրուսային վեկտորային պատվաստանյութեր», - ասաց նա։.
Բաոգոն ընդգծեց, որ չորս պատվաստանյութեր անցնում են երրորդ փուլի փորձարկումներ։.
«Մինչ օրս պատվաստվել է մոտավորապես 60,000 ուսումնասիրության մասնակից։ Մենք լուրջ անբարենպաստ ռեակցիաների մասին որևէ հաղորդում չենք ստացել, և դեղամիջոցները ցույց են տվել նախնական անվտանգություն», - հավելեց նա։.
Ինչպես հաղորդվում է, Չինաստանը միացել է COVAX միջազգային մեխանիզմին, որը ապահովում է կորոնավիրուսի դեմ պատվաստանյութերի հավասար հասանելիությունը։.
