Մալյորկայի բնակիչները զանգվածային ցույց են անցկացրել՝ բողոքելով գերզբոսաշրջության բացասական հետևանքների դեմ հաղորդում է, որ ։ Երթի կազմակերպիչները նշել են, որ «զբոսաշրջիկների անվերահսկելի թիվը հանգեցնում է աշխատավարձերի անկման, կյանքի որակի վատթարացման, աղմուկի և բնակարանների գների աճի»։ «Քիչ զբոսաշրջություն, ավելի շատ կյանք» հարթակի ներկայացուցիչ Պերե Խուան Ֆեմինիան ընդգծել է, որ «ժամանակն է ասել, որ բավական է»։ Բողոքի ակցիային մասնակցել է 110 հասարակական կազմակերպություն՝ «Փոխեք ուղղությունը՝ սահմանեք սահմանափակումներ զբոսաշրջության վրա» կարգախոսով։
Իրավիճակը սրվեց, երբ Պալմա դե Մալյորկայի օդանավակայանը անցյալ տարի գրանցեց մեկնումների և ժամանումների 5.9% աճ՝ համեմատած 2022 թվականի հետ, ինչը կղզին դարձրեց Իսպանիայի երրորդ ամենատարածված ամառային ուղղությունը։ Զբոսաշրջային սեզոնի գագաթնակետին կայանալիք ցույցը, ինչպես սպասվում է, կլինի «շրջադարձային կետ և գործողությունների ու մոբիլիզացիաների սկիզբ բոլոր չորս կղզիներում, այլ ոչ թե միայն Մալյորկայում»։.
Նմանատիպ բողոքի ցույցեր են տեղի ունենում նաև Իսպանիայի այլ մասերում։ Բարսելոնայում հազարավոր բնակիչներ վերջերս բողոքի ցույցեր են անցկացրել գերզբոսաշրջության դեմ՝ պահանջելով սահմանափակել զբոսաշրջիկների թիվը։ Մալագայում իրավիճակը նույնպես հասել է կրիտիկական կետի, քանի որ վարձակալները բախվում են զանգվածային վտարումների և բնակարանների գների կտրուկ աճի։.
Եվրոպայում գերզբոսաշրջության խնդիրը լուծվում է նոր հարկերի և սահմանափակումների ներդրմամբ: Վենետիկը, Ամստերդամը և Աթենքը քայլեր են ձեռնարկում զբոսաշրջիկների հոսքը վերահսկելու համար: Չնայած նշանակալի տնտեսական օգուտներին, շատ տեղացիներ ասում են, որ զբոսաշրջությունից ոչ մի օգուտ չեն ստանում, այլ ավելի շուտ բացասական հետևանքներ են ունենում:.
