Պետական դումա է ներկայացվել օրինագիծ, որը կարգելի ռուսերենի իմացություն չունեցող միգրանտ երեխաների ընդունելությունը դպրոցներ, հայտնում է Պետական դումայի պաշտոնական կայքը։
Ըստ խորհրդարանի ստորին պալատի խոսնակ Վյաչեսլավ Վոլոդինի՝ օրինագծի շրջանակներում նախաձեռնությունները կուղղվեն միգրացիայի կարգավորմանը և կքննարկվեն նոյեմբերի 20-ի նիստում։.
Որոշման նախագծում առաջարկվում է դպրոց ընդունվելիս պարտադիր կերպով ստուգել միգրանտ երեխաների ռուսերենի իմացությունը և ստուգել նրանց երկրում օրինական բնակության փաստը։ Լեզվի անբավարար իմացություն ունեցող երեխաները չեն ընդունվի հանրակրթական դպրոցներ։.
Անվտանգության խորհրդի փոխնախագահ Դմիտրի Մեդվեդևը նախկինում հայտարարել էր ռուսերեն չխոսող երեխաների մուտքը սահմանափակելու անհրաժեշտության մասին, քանի որ դա, նրա խոսքով, բացասաբար է անդրադառնում կրթության ընդհանուր մակարդակի վրա: Բացի այդ, Սվերդլովսկի մարզի երեխաների իրավունքների հանձնակատար Իգոր Մորոկովը առաջարկել է ռուսերենի ցածր իմացություն ունեցող միգրանտ երեխաներին հավասարեցնել հաշմանդամություն ունեցող երեխաների հետ՝ ընդգծելով խնդրի լրջությունը տարածաշրջանային մակարդակով:.
