ՄԱԿ-ի գլխավոր քարտուղար Անտոնիո Գուտերեշը առաջարկել է մեղմացնել Ռուսաստանից և Բելառուսից կալիումական պարարտանյութերի վրա կիրառվող պատժամիջոցները: Դրա դիմաց նա ցանկանում է, որ Մոսկվան ապաշրջափակի ուկրաինական հացահատիկի արտահանումը Սև ծովի նավահանգիստներով:.
Աղբյուրների համաձայն, Գուտերեշը բանակցություններ է վարում Ռուսաստանի, Թուրքիայի և այլ երկրների հետ՝ Ուկրաինայից համաշխարհային շուկաներ հացահատիկի արտահանումը վերսկսելու համար: Այս կերպ ՄԱԿ-ի գլխավոր քարտուղարը նպատակ ունի կանխել համաշխարհային պարենի պակասը:.
Թերթի աղբյուրների փոխանցմամբ՝ Գուտերեշը խնդրել է Մոսկվային թույլատրել Ուկրաինայից հացահատիկի մատակարարումները: Դրա դիմաց ՄԱԿ-ի գլխավոր քարտուղարը առաջարկել է մեղմացնել Ռուսաստանից և Բելառուսից կալիումական պարարտանյութերի արտահանման վրա դրված պատժամիջոցները:.
ՄԱԿ-ում Ուկրաինայի և Ռուսաստանի առաքելությունները հրաժարվել են մեկնաբանություններից: ԱՄՆ-ում Թուրքիայի դեսպանատունը նույնպես հրաժարվել է պատասխանել հրատարակության հարցերին:.
Հիշեցնենք, որ ՄԱԿ-ի Համաշխարհային պարենի ծրագիրը նախկինում կոչ էր արել Ռուսաստանին բացել Ուկրաինայի Սևծովյան նավահանգիստները, որոնք ներկայումս շրջափակված են ռուսական նավատորմի կողմից։.
Պետք է նշել, որ լայնածավալ ներխուժումից հետո Ռուսաստանը արգելափակեց մոտ 90 միլիոն տոննա հացահատիկ ուկրաինական նավահանգիստներում։.
