Հարավային Կորեայի գյուղատնտեսական բաշխման գործարանում ռոբոտը սխալմամբ աշխատակցին ամրացրել է փոխադրիչ ժապավենին։ Տղամարդը մահացել է ստացած վնասվածքներից, հաղորդում է Sky News-ը։.
Ռոբոտաշինության ընկերության մասնագետը (անունը չի հրապարակվում) ժամանել է բաշխման կենտրոն՝ փորձնական գործարկումից առաջ ռոբոտի սենսորները ստուգելու համար: Ռոբոտը պետք է բանջարեղենով լի տուփերը դասավորեր պալետների վրա:.
Գյոնսանգնամդո նահանգի ոստիկանության տվյալներով, որտեղ տեղի է ունեցել միջադեպը, ռոբոտը տեխնիկին շփոթել է արկղի հետ և նրան ամրացրել է փոխադրիչ ժապավենին՝ «առանց փախուստի որևէ հնարավորության՝ ջարդելով նրա դեմքն ու կուրծքը»։ Տուժածը անմիջապես հոսպիտալացվել է։ Սակայն նա մահացել է ստացած վնասվածքներից։.
Իրավապահ մարմինները կգնահատեն բաշխման կենտրոնի անվտանգության աշխատակիցների գործողությունները: Միջադեպի համար պատասխանատու աշխատողների դեմ կարող են քրեական մեղադրանքներ առաջադրվել անփութության համար: Գործարանի սեփականատեր ընկերությունը կոչ է արել կառուցապատողներին կատարելագործել համակարգը՝ ապահովելու համար, որ այն վտանգ չներկայացնի մարդկային կյանքի համար:.
