Բելգորոդից հետո, Ուկրաինային սահմանակից Ռուսաստանի Կուրսկ քաղաքը չեղյալ հայտարարեց մայիսի 9-ի ռազմական շքերթը։ Որոշումը կայացվել է «անվտանգության սպառնալիքների» պատճառով։.
Կուրսկի նահանգապետ Ռոման Ստարովոյտի խոսքով՝ որոշումը հիմնված է տարածաշրջանային աշխատանքային խմբի կողմից անցյալ շաբաթ հակաահաբեկչական միջոցառումները ուժեղացնելու որոշման վրա։.
«Անվտանգության նկատառումներից ելնելով՝ մայիսի 9-ին Կուրսկում շքերթ չի լինի», - ասաց Ստարովոյտը։.
Անցյալ շաբաթ Բելգորոդի մարզային իշխանությունները հայտարարեցին մայիսի 9-ի շքերթի չեղարկման մասին՝ պատճառաբանելով «Բելգորոդի կենտրոնում տեխնիկայի և զինվորական անձնակազմի մեծ կենտրոնացմամբ թշնամուն չսադրելու իրենց մտադրությամբ»։.
Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ մայիսի 9-ին Մոսկվայի Կարմիր հրապարակում Հաղթանակի օրվա շքերթի ժամանակ կձեռնարկվեն անվտանգության ուժեղացված միջոցառումներ։.
