Ոստիկանությունը կարծում է, որ բանկիրը, հնարավոր է, սպանել է կնոջն ու դստերը, ապա ինքնասպան եղել։.
Ռուսաստանի մայրաքաղաք Մոսկվայում «Գազպրոմբանկի» 51-ամյա նախկին փոխնախագահ Վլադիսլավ Ավաևը, նրա 47-ամյա կինը՝ Ելենան, և 13-ամյա դուստրը՝ Մարիան, սպանված են հայտնաբերվել բնակարանում։.
Ավաևների ընտանիքը սպանված է գտնվել Համալսարանական պողոտայի իրենց տանը, հաղորդում է Baza Telegram հեռուստաալիքը՝ հղում անելով ոստիկանության տեղեկատվությանը։.
Ոստիկանության նախնական տեղեկությունների համաձայն՝ Ավաևը կրակել է կնոջ և դստեր վրա, ապա ինքնասպան եղել։ Ոստիկանությունը այս եզրակացությանն է հանգել, քանի որ բանկի նախկին փոխնախագահը զենք է պահել։.
«…Ավաևների ընտանիքի անդամների մարմինները… հայտնաբերել է ազգականը, որը երկար ժամանակ փորձում էր հեռախոսով կապվել Ավաևների հետ, բայց ոչ ոք չէր պատասխանում…», - նշվում է հայտարարության մեջ։.
Բնակարանը անկարգության մեջ էր, շուրջը իրեր էին ցրված, հաղորդում է kp.ru-ն՝ հղում անելով աղբյուրին։.
Հիշեցնենք, որ փետրվարի վերջին Սանկտ Պետերբուրգի մոտակայքում գտնվող Լենինսկոյե էլիտար ամառանոցային համայնքում մահացած էր հայտնաբերվել «Գազպրոմի» միասնական հաշվարկային կենտրոնի կորպորատիվ անվտանգության գլխավոր տնօրենի տեղակալ 61-ամյա Ալեքսանդր Տյուլյակովը։.
