Ռուսաստանի նախագահ Վլադիմիր Պուտինը հոկտեմբերին կմեկնի Չինաստան՝ մասնակցելու «Մեկ գոտի, մեկ ճանապարհ» ֆորումին, հայտարարել է Ռուսաստանի նախագահի օգնական Յուրի Ուշակովը։.
«Հայտնի է, որ մենք հրավեր ենք ստացել և մտադիր ենք մեկնել Չինաստան», - նրա խոսքերն է մեջբերում ՏԱՍՍ-ը։.
Պատասխանելով այցի ժամկետների վերաբերյալ հարցին՝ նա պարզաբանեց, որ խոսքը հոկտեմբերի մասին է, երբ տեղի կունենա «Մեկ գոտի, մեկ ճանապարհ» ֆորումը։.
Չինաստան կատարած այցը կարող է լինել Պուտինի առաջին արտասահմանյան այցը մարտի 17-ին Հաագայի Միջազգային քրեական դատարանի կողմից նրա նկատմամբ հետախուզում հայտարարելուց հետո։.
Պուտինը և երեխաների իրավունքների հարցերով նախագահի հանձնակատար Մարիա Լվովա-Բելովան կասկածվում են Ուկրաինայից երեխաներին անօրինական տեղափոխելու մեջ։.
Պուտինի այցը Հարավային Աֆրիկա՝ BRICS գագաթնաժողովին մասնակցելու համար, նախկինում չեղարկվել էր այս պատճառով։ Երկրի իշխանությունները ստիպված կլինեին ձերբակալել նրան, քանի որ նրանք վավերացրել էին Հռոմի կանոնադրությունը։.
Հաղորդագրության համաձայն՝ Պուտինի Հարավային Աֆրիկա այցի վերաբերյալ որոշումը կայացվել է «փոխադարձ համաձայնությամբ»։ Նրա փոխարեն գագաթնաժողովում Ռուսաստանը կներկայացնի արտգործնախարար Սերգեյ Լավրովը։.
