Եվրախորհրդարանը և ԵՄ երկրները համաձայնագիր են ստորագրել, որով 2035 թվականից արգելվելու է նոր բենզինային և դիզելային վառելիքով աշխատող ավտոմեքենաների և միկրոավտոբուսների վաճառքը։.
«Այս ոլորտը, որը ներկայումս կազմում է Եվրոպայի արտանետումների 16%-ը, մինչև 2050 թվականը կդառնա ածխածնային չեզոք», - ասաց Եվրախորհրդարանի շրջակա միջավայրի հարցերով հանձնաժողովի նախագահ Պասկալ Կանֆենը՝ փաստաթուղթը անվանելով «պատմական որոշում»։.
ԵՄ իշխանությունները համաձայնության են եկել, որ մինչև 2035 թվականը նոր մեքենաներից CO2 արտանետումները պետք է զրոյական լինեն (այսինքն՝ արգելք ներքին այրման շարժիչով մեքենաների վաճառքի վրա), իսկ մինչև 2030 թվականը նման արտանետումները պետք է կրճատվեն 55%-ով՝ համեմատած 2021 թվականի մակարդակի հետ։.
Այս միջոցառումը որոշ ժամանակ քննարկվում էր։ Այն հունիսին աջակցվեց Եվրոպական Միության խորհրդի կողմից, և այժմ Եվրախորհրդարանը և ԵՄ անդամ պետությունները պետք է պաշտոնապես հաստատեն այն։.
«Գրինփիս» միջազգային բնապահպանական կազմակերպությունը քննադատել է համաձայնագիրը՝ պնդելով, որ այն պարզապես քողարկում է քաղաքական գործիչների բազմաթիվ անհաջողությունները կլիմայի փոփոխության դեմ պայքարում: Բնապահպանների հաշվարկներով՝ նոր դիզելային մեքենաները պետք է փուլ առ փուլ դուրս մղվեն շրջանառությունից մինչև 2028 թվականը՝ գլոբալ տաքացումը 1.5°C-ից ցածր պահելու համար, հաղորդում է «Ամերիկայի ձայնը»:.
