Եվրոպայում պատմաբաններն ու արհեստական բանականության մասնագետները հայտարարել են «Օդեուրա» գրադարան ստեղծելու նախագծի մասին, որը կներառի 16-րդից 20-րդ դարերի տարբեր բույրեր, հաղորդում է The Guardian-ը
Նախագծի բյուջեն կազմում է 3.7 միլիոն դոլար: Այն նախատեսված է տևել երեք տարի, իսկ աշխատանքները նախատեսվում է սկսել հունվարին:.
«Եթե նայեք Եվրոպայում 1500 թվականից սկսած հրատարակված տեքստերին, կգտնեք հսկայական թվով հղումներ ամեն տեսակի հոտերի՝ սկսած կրոնական հոտերից, ինչպիսիք են խունկը, մինչև ծխախոտ», - ասաց Քեմբրիջի համալսարանի Ուիլյամ Թալեթը, Odeuropa թիմի անդամ։.
Սկզբի համար մասնագետները նախատեսում են գրել ծրագրեր, որոնք յոթ լեզուներով կփնտրեն պատմական տեքստեր՝ բույրերի նկարագրություններ, համատեքստ և հնարավոր նկարազարդումներ գտնելու համար։.
Հավաքված տեղեկատվությունը այնուհետև կօգտագործվի եվրոպական բույրերի առցանց հանրագիտարան ստեղծելու համար, որը կներառի հղումներ այն հույզերին և վայրերին, որոնց հետ դրանք կապված են։.
Թալեթը ընդգծեց, որ այս նախագծի համար կարևոր է հասկանալ, թե ինչպես են որոշակի բույրերի իմաստն ու կիրառությունը փոխվել ժամանակի ընթացքում։.
Մասնագետները նաև պլանավորում են համագործակցել քիմիկոսների և օծանելիքագործների հետ՝ անցյալի բույրերը վերստեղծելու և հետագայում դրանք թանգարաններում օգտագործելու համար։.
Նախագծի մանրամասները՝ կայքում։
