Գերմանիան կարտաքսի Ռուսաստանի դեսպանատան աշխատակիցների զգալի մասին՝ ի պատասխան Բուչայում ռուս օկուպանտների կողմից կատարված վայրագությունների։.
Այս մասին հայտարարել է Գերմանիայի արտաքին գործերի նախարար Աննալենա Բերբոկը։.
«Բուչայից լուսանկարները ցույց են տալիս բոլոր սահմանները գերազանցող ոչնչացման ցանկություն: Հետևաբար, մենք Ռուսաստանի դեսպանատան զգալի թվով աշխատակիցների հայտարարել ենք անցանկալի անձ: Մենք կխստացնենք Ռուսաստանի դեմ գործող պատժամիջոցները, վճռականորեն կընդլայնենք մեր աջակցությունը Ուկրաինայի զինված ուժերին և կամրապնդենք ՆԱՏՕ-ի արևելյան թևը», - հայտարարել է Բերբոքը:.
Ըստ Der Spiegel-ի՝ երկուշաբթի կեսօրին Գերմանիայի Դաշնային արտաքին գործերի նախարարությունը կանչել է Ռուսաստանի դեսպան Սերգեյ Նեչաևին և տեղեկացրել, որ 40 ռուս դիվանագետներ հայտարարվել են անցանկալի անձ։ Նրանք պետք է լքեն Գերմանիան առաջիկա հինգ օրվա ընթացքում։.
Դեռևս մարտի կեսերին Գերմանիայի հետախուզական ծառայությունները կազմել են ռուս դիվանագետների ցուցակներ, որոնք ուղղակիորեն կամ անուղղակիորեն աշխատում են Գերմանիայում գտնվող տարբեր ռուսական հետախուզական գործակալությունների համար։.
