Ֆրանսիայի ներքին գործերի նախարար Ժերալդ Դարմանենը հայտարարել է, որ Ֆրանսիայի իրավապահ մարմինների աշխատակիցները կանխել են Բրետանի շրջանում կազմակերպված ստորգետնյա ռեյվ երեկույթը, որին մասնակցել է մոտ 2500 մարդ՝ չնայած երկրում հայտարարված պարետային ժամին։.
BFMTV-ն նախկինում հաղորդել էր, որ հինգշաբթի օրը Լիերոն համայնքի լքված անգարներում կազմակերպվել էր ռեյվ երեկույթ՝ Նոր տարին նշելու համար։ Մասնակցել է Ֆրանսիայից և արտասահմանից մոտ 2500 մարդ։ Ժանդարմները փորձել են միջամտել, սակայն ստիպված են եղել նրբանկատորեն գործել՝ անկարգություն չառաջացնելու համար, սակայն նրանց փորձը անհաջող է եղել։ Իրավապահ մարմինների աշխատակիցների վրա նետվել են տարբեր առարկաներ, ինչի հետևանքով երեք մարդ վիրավորվել է, իսկ անօրինական երեկույթին ներկա գտնվողները նաև այրել են ժանդարմերիայի մեքենա։ Խնջույքը ցրելու համար կանչվել են ուժայիններ։.
Ֆրանսիայի ներքին գործերի նախարարը նշել է, որ իրավապահ մարմինները ուրբաթ օրը՝ ժամը 22:00-ից, արգելափակել են մուտքը դեպի երեկույթ և տուգանքներ են նշանակել դուրս եկողներին։ Ընդհանուր առմամբ, իշխանությունները տուգանել են ավելի քան 1200 մարդու։ Ներքին գործերի նախարարը խոստացել է, որ կազմակերպիչները կբացահայտվեն և «կպատժվեն»։.
«Ներքին անվտանգության ուժերը, որոնք իմ խնդրանքով ներկա էին ամբողջ գիշեր, ինտենսիվ ստուգումների հետ մեկտեղ հանգեցրին Լիորոնում ռեյվ երեկույթի խաղաղ դադարեցմանը։ Մենք շարունակում ենք ստուգումներ անցկացնել և տուգանքներ նշանակել յուրաքանչյուր մասնակցի համար, հենց որ նրանք լքում են միջոցառումը», - գրել է Ֆրանսիայի ներքին գործերի նախարարը Twitter-։
