Այս մասին հայտնել է Facebook-ում։
«Աշխարհում չկան բախտավոր մարդիկ, որոնց համար COVID-19-ը սպառնալիք չէ։ Բոլոր կարանտինային միջոցառումներին չնայած, ես նույնպես + արդյունք ստացա։ Ես ունեմ 37.5, և բոլորին մաղթում եմ 36.6», - գրել է նա։.
Նախագահը նշել է, որ ինքը դեռևս լավ է զգում և կշարունակի հեռավար աշխատել։ Ամռան սկզբին Զելենսկու կինը՝ Օլենան, վարակվել էր կորոնավիրուսով։ Ուկրաինայի առաջին տիկինը ժամանակին ինքնամեկուսացել էր, իսկ նրա ամուսինն ու երեխաները մնացել էին անվարակ։.
COVID-19-ից արդեն ապաքինված համաշխարհային առաջնորդների թվում են ԱՄՆ նախագահ Դոնալդ Թրամփը, Մեծ Բրիտանիայի վարչապետ Բորիս Ջոնսոնը, Բրազիլիայի նախագահ Ժաիր Բոլսոնարոն, Լեհաստանի նախագահ Անջեյ Դուդան, Ալեքսանդր Լուկաշենկոն և Ռուսաստանի վարչապետ Միխայիլ Միշուստինը։.
Մինչ օրս գրանցվել է , որի հետևանքով մահացել է ավելի քան 8,500 մարդ։ Ուկրաինայի նախագահը աջակցել է Առողջապահության նախարարության առաջարկին՝ երկրում «շաբաթավերջյան կարանտին» մտցնելու վերաբերյալ։ Ակնկալվում է, որ մոտ ապագայում շաբաթ և կիրակի օրերին թույլատրվելու է աշխատել միայն մթերային խանութները, բենզալցակայանները, անասնաբուժական կլինիկաները և դեղատները։
