Գերմանիայի կանցլեր Օլաֆ Շոլցի այցը Ուկրաինա իմաստ կունենա միայն այն դեպքում, եթե նա «իր հետ բերի կոալիցիայի որոշումը նոր աջակցության վերաբերյալ», այսինքն՝ Ուկրաինային ծանր զենքի մատակարարումը և Ռուսաստանի դեմ նավթի ու գազի էմբարգո սահմանելը։ Այս մասին «Եվրոպական պրավդա»-ին տված հարցազրույցում հայտարարել է Գերմանիայում Ուկրաինայի դեսպան Անդրեյ Մելնիկը։.
Երբ հարցրին, թե արդյոք կարելի է ակնկալել Շոլցի այցը Ուկրաինա, Մելնիկը պատասխանեց. «Կարծում եմ՝ արժե սպասել. նախագահը նրան հրավիրել է, բայց, իհարկե, այս այցը իմաստ կունենա միայն այն ժամանակ, երբ պարոն կանցլերը իր հետ կբերի նոր աջակցության վերաբերյալ կոալիցիոն որոշում»։.
Մելնիկի խոսքով՝ այս նոր աջակցությունը պետք է ներառի ծանր զինամթերքի մատակարարումը, «և ոչ թե վաղը կամ վաղը չէ մյուս օրը, այլ այսօր», Ռուսաստանի Դաշնության դեմ նավթի և գազի էմբարգո սահմանելը և «Վարձակալության մասին» օրենքը։.
Ապրիլի 12-ին Գերմանիայի նախագահ Ֆրանկ-Վալտեր Շտայնմայերը հայտարարեց, որ Ուկրաինայի նախագահ Վլադիմիր Զելենսկին հրաժարվել է Կիևում իր հետ հանդիպելուց։.
Զելենսկին այսօր ասել է, որ Ուկրաինան այժմ «կարող է իրեն թույլ տալ լինել նրանց շարքում, ովքեր իսկապես աջակցում են մեզ, մեր իրական ընկերների շարքում»։.
