Ֆինլանդիան արդեն աջակցություն է ցուցաբերել Ուկրաինային Ռուսաստանի լայնածավալ ներխուժումից հետո և պատրաստում է մարդասիրական և ռազմական օգնության ևս մեկ փաթեթ, ասվում է Ֆինլանդիայի վարչապետ Սաննա Մարինի հայտարարության մեջ։.
Վարչապետի խոսքով՝ Ֆինլանդիայի կառավարությունը պատրաստում է «մարդասիրական օգնության և վերակառուցման աջակցության վերաբերյալ նոր որոշում՝ մոտավորապես 70 միլիոն եվրո գումարի չափով»։ Մարինը նաև ընդգծել է, որ մայիսի 5-ին «որոշում է կայացվել Ուկրաինային նոր պաշտպանական սարքավորումներով օգնելու մասին»։.
«Ուկրաինան պայքարում է ամբողջ Եվրոպայի համար և հաղթում է պատերազմում։ Մեր մտքերը ձեզ հետ են։ Մենք աջակցում ենք Ուկրաինայի և նրա քաջարի ժողովրդի ապագային։ Ֆինլանդիան պատրաստ է կատարել իր դերը», - ընդգծեց վարչապետը։.
Մարինը հավելել է, որ Ֆինլանդիան պատրաստ է խստացնել Ռուսաստանի դեմ պատժամիջոցները: Երկիրը համագործակցում է Ուկրաինայի կառավարության հետ և պատրաստվում է փախստականներին, այդ թվում՝ հաշմանդամություն ունեցող ուկրաինացիներին, տեղափոխել Ֆինլանդիա:.
