Գործարար Օլեգ Տինկովը հրաժարվել է Ռուսաստանի քաղաքացիությունից։ Այս մասին նա հայտնել է Instagram-ում՝ տեղադրելով համապատասխան վկայականի լուսանկարը։.
Տինկովը գարնանը կոշտ հայտարարություններ արեց՝ դատապարտելով Ռուսաստանի կողմից Ուկրաինա ներխուժումը և ընդհանուր առմամբ Ռուսաստանում ստեղծված իրավիճակը։ Մարտին նրա բաժնետոմսերի գների անկումը հանգեցրեց նրան, որ նա կորցրեց միլիարդատիրոջ կարգավիճակը, և Մեծ Բրիտանիայի կառավարությունը նրան ներառեց իր պատժամիջոցների ցուցակում։.
Ապրիլի վերջին նա իր հիմնադրած «Տինկոֆ Բանկ»-ի իր բաժնեմասը վաճառեց Վլադիմիր Պոտանինին։ Նա պնդեց, որ գործարքը կնքվել է ճնշման տակ՝ «ազգայնացման սպառնալիքի պատճառով»։ Գինը շատ ավելի ցածր էր, քան շուկայական արժեքը, և «դրանից հետո նա Ռուսաստանում ոչինչ չուներ»։.
«Տինկոֆ Բանկը» ինքը հերքեց Կրեմլի ճնշման մասին մեղադրանքները և նաև հայտարարեց, որ փոխելու է իր անվանումը։.
Օլեգ Տինկովը Forbes-ի ցուցակում հինգերորդ գործարարն է, որը հրաժարվել է Ռուսաստանի քաղաքացիությունից։ Նախկինում այս քայլին դիմել էին Freedom Finance ներդրումային ընկերության հիմնադիր Թիմուր Տուրլովը, Troika Dialog-ի հիմնադիր Ռուբեն Վարդանյանը, ներդրող Յուրի Միլները և Revolut ստարտափի հիմնադիր Նիկոլայ Ստորոնսկին։.
