Չորեքշաբթի՝ օգոստոսի 23-ի երեկոյան, Տվերի մարզում ինքնաթիռ է կործանվել։ Այս պահին վթարի վայրում մեծ հրդեհ է բռնկվել։ Նախնական տվյալներով՝ կան զոհեր և վիրավորներ, հաղորդում է «Իզվեստիան»
Արտակարգ իրավիճակների ծառայությունները հաստատել են մասնավոր ինքնաթիռի կործանման փաստը։ «Embraer Legacy մասնավոր ինքնաթիռը, որը Մոսկվայից Սանկտ Պետերբուրգ էր թռչում, կործանվել է Տվերի մարզի Կուժենկինո գյուղի մոտակայքում», - հայտնել է Ռուսաստանի արտակարգ իրավիճակների նախարարությունը։.
Քսենիա Սոբչակը մեկնաբանել է միջադեպը. «Իմ աղբյուրները հայտնում են, որ Եվգենի Պրիգոժինին պատկանող Embraer ինքնաթիռը վթարի է ենթարկվել Տվերի մարզում: Դա տեղի է ունեցել Խոտիլովոյից 15 կիլոմետր հեռավորության վրա: Մեր տեղեկություններով՝ եղել են անձնակազմի երեք անդամ և յոթ ուղևոր: Հայտնի չէ՝ արդյոք Պրիգոժինն ինքը եղել է ինքնաթիռում», - գրել է լրագրողը իր անձնական Telegram ալիքում:.
Թարմացված տեղեկությունների համաձայն՝ վթարի հետևանքով զոհվել է 10 մարդ։ Ինքնաթիռում գտնվողների ինքնությունը դեռևս չի հրապարակվել։ Ինքնաթիռը թռչում էր Մոսկվայից դեպի Սանկտ Պետերբուրգ։.
Տվերի մարզի նահանգապետ Իգոր Ռուդենյայի մամուլի ծառայությունը նշել է, որ վթարի ենթարկված ինքնաթիռը քաղաքացիական է եղել: Մարզպետը միջադեպի նկատմամբ անձնական վերահսկողություն է ստանձնել: Իրավապահ մարմինները հետաքննում են միջադեպը, իսկ դեպքի վայրում աշխատում են արտակարգ ծառայությունները:.
Համացանցում շրջանառվում են ինքնաթիռի կադրերը։.
